Sufi

Khauf-e-Jaan Aas-Pas Rahta Hai

khauf-e-jan as-pas rahta hai

dil yuun hi kab udaas rahta hai

dekh kar ab lahu ki arzani

har koi bad-havas rahta hai

saare insan bichhad gae to kya

mera gham mere paas rahta hai

jab se dil ko diye hain us ne zakhm

karb-o-gham as-pas rahta hai

aadmi ja basega suraj par

aisa bhi kya qayas rahta hai

khauf-e-dariya use nahin hota

jo samundar-shanas rahta hai

More Poems

Leave a Comment