Aslam Rashid
ik qadam uTh gaya ravani men
dard phir aa gaya kahani men
koi to chand ko sikhata hai
Dubna roz roz paani men
sirf tu ne nigah pheri hai
moḌ sa aa gaya kahani men
us ki ankhon men Duub kar dekha
tishnagi baḌh ga.i hai paani men
kuchh diye rat-bhar rahe raushan
ek jugnu ki mezbani men
main akela khaḌa tha sach ke saath
mujh ko marna hi tha kahani men
Leave a Reply