Jo Hua Wo Zehn Mein Tha Nahin Jo Tha Zehn Mein Wo Hua Nahin

jo hua vo zehn men tha nahin jo tha zehn men vo hua nahin

jo guman men na tha mil gaya jo tha haath men vo mila nahin

vo jo ham men tum men tha fasla ye kamal us ke sabab hua

vo suna gaya jo kaha nahin jo kaha gaya vo suna nahin

vahi kibr hai miri ḳhaak men vahi jahl hai miri zaat men

jo sharar hai vo bujha nahin jo charagh hai vo jala nahin

vahi thi hava vahi thi faza hamen bas paron ko tha kholna

tujhe ḳhauf tha tu uḌa nahin mujhe shauq tha main ruka nahin

sam-e-zat ho sam-e-kun-fakan sam-e-ghair ho sam-e-dostan

koi zahar mujh se bacha nahin koi zahar tum ne piya nahin

vo to ḳhatm kah ke guzar gaya main ḳhayal-e-hijr se mar gaya

vo gaya to pichhe muḌa nahin main kahin yahan se gaya nahin