jo dil par zarb kaari lag rahi hai
ye ḳhushbu bhi tumhari lag rahi hai
tumhari yaad men soya hua huun
badan ko niind pyari lag rahi hai
mohabbat ek lamhe men hui thi
ab is men umr saari lag rahi hai
tumhare dard par dil dukh raha hai
tumhari jaan hamari lag rahi hai
mire pahlu men baiThi ro.e jaa.e
shab-e-furqat ki maari lag rahi hai
ki dil hathon se nikla ja raha hai
ye kaisi be-qarari lag rahi hai
Leave a Reply