Rauf Raheem
jo bojh hai dil par use kam karte rahenge
sha.ir hain to har naak men dam karte rahenge
ye parTi achchhi hai na vo parTi achchhi
leader ko zaruri hai udham karte rahenge
le a.enge saman ko custam se bacha kar
is tarah se ham sair-e-haram karte rahenge
ahbab ko le Dubenge ahval suna kar
vabaston ko vabasta-e-gham karte rahenge
ye roz-e-mulaqat hi malum tha ham ko
mashuq jo hain aap sitam karte rahenge
beTe jo chale ja.enge sasural ke ghar ko
ham baap hain aulad ka gham karte rahenge
ham naam pe firqon ke laḌa.enge ‘rahim’ ab
yuun parvarish-e-dair-o-haram karte rahenge
Leave a Reply