Poet
jo bad-e-marg bhi dil ko rahi kanar men ja
to so chuka main faraghat se bas mazar men ja
tamam dard hon malum kuchh nahin ki kahan
tire khadang ne ki hai tan-e-nazar men ja
yahi to rizq hai bad-e-fana mira zalim
samajh ke barq-e-sharar-bar kharzar men ja
qadam samajh ke tu rakh tishnigan-e-hasrat se
tihi nahin hai tuk ulfat ki rahguzar men ja
uthi jo kulfat-e-dil kam ho meri kulfat men
ghubar jaise ki mil jaae hai ghubar men ja
na ho kahin ki do-sad-khun-e-khufta hon bedar
saba jo jaae to ahista ku-e-yar men ja
khadang-e-ghamza to khar-shigaf hai us ka
chhupae ji ko koi kaun se hisar men ja
Leave a Reply