jo ana ki sifat hai zaati hai
ye na aati hai ye na jaati hai
jab koi fikr chhaTpaTati hai
tab kahan nind-vind aati hai
aaj danista bint-e-havva ḳhud
ishtiharon ke kaam aati hai
yuun dabe paanv aati teri yaad
jis tarah sub.h dhuup aati hai
main fida.in ho gaya shayad
har qadam mera atm-ghati hai
ab mohabbat hai maslahat-amez
ab kahan ju-e-shir laati hai
log ab faisla batate hain
aur adalat bhi maan jaati hai
zindagi ki numud bhi ‘azam’
sanihati hai hadsati hai
Leave a Reply