parveen-shakir

Jizya

gudiya si ye ladki

jis ki ujli hansi se

mera angan damak raha hai

kal jab saat samundar paar chali jaegi

aur sahili shahr ke surkh chhaton vaale ghar ke andar

puure chand ki raushni ban kar bikhregi

ham sab us ko yaad karenge

aur apne ashkon ke sachche motiyon se

saari umr

ik aisa suud utarte jaenge

jis ka asl bhi ham par qarz nahin thaa!

More Poems

Leave a Comment