jism par sabun tha paani ghusl-ḳhane se gaya
aap ki mistake Thahri main nahane se gaya
ik minister ne saja.i mahfil-e-raqs-o-surur
nachne vaali ka bil qaumi ḳhazane se gaya
qadri ne DaanT kuchh aisi pila.i sher ko
sher muslim-league ka tha dum hilane se gaya
aa gaya tha ek sha.er dost pakistan se
chaa.e se Thahra raha whiskey pilane se gaya
film taqsim-e-virasat ka yahi the-end hai
dard kuchh aisa tha jo gardan dabane se gaya
ik gharib ustad ki tuition Thikane lag ga.i
majida dulhan bani teacher paḌhane se gaya
us ke galon par ka.i dast-e-hina.i sabt hain
ishq ka nashsha tha aḳhir maar khane se gaya
itni mahnga.i hai biryani koi laata nahin
phir koi bhuka mujavar astane se gaya
us ki mayyat men sabhi aḳhbar paḌh paḌh kar ga.e
‘ḳhalid’-e-irfan sha.er tha bulane se gaya
Leave a Reply