jise to qubul kar le vo ada kahan se laun
tire dil ko jo lubhae vo sada kahan se laun
main vo phuul huun ki jis ko gaya har koi masal ke
miri umr bah gai hai mire ansuon men Dhal ke
jo bahar ban ke barse vo ghata kahan se laun
tujhe aur ki tamanna mujhe teri aarzu hai
tire dil men gham hi gham hai mire dil men tu hi tu hai
jo dilon ko chain de de vo dava kahan se laun
miri bebasi hai zahir miri ah-e-be-asar se
kabhi maut bhi jo mangi to na paai us ke dar se
jo murad le ke aae vo dua kahan se laun