dil ki dhaḌkan matami dhun saans ko zanjir kahna
koi gar puchhe to apne ahd ki tafsir kahna
har-qadam par bandishon pabandiyon ka zikr karna
aur us ko hakiman-e-vaqt ki tahrir kahna
kab talak ma.asum chehron ko sitam-pesha likhoge
aankh ko ḳhanjar batana zulf ko zanjir kahna
vo ghane ashjar vo saa.e to ruḳhsat ho chuke lab
dhuul ko miras likhna ret ko jagir kahna
ḳhamushi ka gauhar-e-nayab rakhna paas lekin
baat kahne ki agar ho tum bhi ‘shahid-mir’ kahna
Leave a Reply