dushman Ki Malamat Bala Hai

dushman ki malamat bala hai

ye mom ka saanp katta hai

vasvas-e-hisab-e-hashr kya hai

gumnamon ko kaun puchhta hai

aalam mushtaq diid ka hai

vo but na dikhae munh khuda hai

vo sim-badan magar khafa hai

sona jo haram ho gaya hai

sar-ta-pa huun ba-rang-e-tasvir

kya zoaf ka rang jam gaya hai

qashqa khincha hai abruon men

do nimche ek par tula hai

mahfuz uftadgi ne rakkha

taaviz men naqsh-e-boriya hai

gardish se mili mujhe saadat

har aabla baiza-e-huma hai

jhadte hain phuul munh se ai gul

baton ka jhaad motiya hai