Poet
jise garm-iḳhtilati ki laga de dil men tu atish
phir us ke sang-e-turbat se nahin bujhti kabhu atish
laga.i tu ne yaan tak mai-kade men tund-ḳhu atish
ki pyala hai pur-atish aur surahi ta-gulu atish
ye atish baagh men ham ne lagi dekhi thi kal tujh bin
nasim atish chaman atish gul atish gul ki bu atish
likhen ham kis tarah kaghaz par apna soz-e-dil tujh ko
ki dil atish zaban atish dam atish guftugu atish
taf-e-dil ke bujhane ko hamari ḳhaak par saaqi
chhiḌakna hai mai-gulgun ki az-dast-e-subu atish
hamare ashiyan ke ḳhar-o-ḳhas ke tar-o-sozan se
kar is chaak qaba se sho.ale ko apne rafu atish
‘muhib’ ke dil men dagh-e-ishq ka kyunkar na gul phuTe
ki deta hai baja.e aab ankhon se lahu atish
Leave a Reply