Mere Jine Ka Taur Kuchh Bhi Nahin

mere jiine kā taur kuchh bhī nahīñ

saañs chaltī hai aur kuchh bhī nahīñ

dil lagā kar phañse ham aafat meñ

baat itnī hai aur kuchh bhī nahīñ

aap haiñ aap aap sab kuchh haiñ

aur maiñ aur aur kuchh bhī nahīñ

ham agar haiñ to jhel Dāleñge

dil agar hai to jaur kuchh bhī nahīñ

sher likhte haiñ sher paḌhte haiñ

‘nūh’ maiñ vasf aur kuchh bhī nahīñ

Leave a Comment