Sarvat Husain
yak-ba-yak manzar-e-hasti ka naya ho jaana
dhuup men surma.i miTTi ka hara ho jaana
sub.h ke shahr men ik shor hai shadabi ka
gil-e-divar zara bosa-numa ho jaana
koi iqlim nahin mere tasarruf men magar
mujh ko aata hai bahut farman-rava ho jaana
zisht aur ḳhuub ke ma-bain jalaya main ne
jis gul-e-surḳh ko tha sho.ala-numa ho jaana
chashm ka a.ina-ḳhane men pahunchna ‘sarvat’
dil-e-durvesh ka ma.il-ba-dua ho jaana
Leave a Reply