dil men ehsas-e-fana ke bhi fana hone tak
umr darkar hai saman-e-baqa hone tak
ḳhatm ho ja.egi ik roz faza ki ye ghuTan
qaid men rahna hi hota hai riha hone tak
ye na hota to kahan hota ilaj-e-amraz
dard allah ka hai in.aam shifa hone tak
teri yuun baiTh ke tanha.i men koshish hai abas
tajarbe ziist ke kar sher naya hone tak
maslahat us ki vahi jaane magar ai ‘javed’
ham to mar ja.enge maqbul-e-dua hone tak
Leave a Reply