Sufi
zindagi bhar jinhon ne dekhe khvab
un ko bakhshe gae hain phir se khvab
din andhera dikhai deta hai
raat dekhe the jagmagate khvab
us ne aise bhula diya hai mujhe
yaad rahte nahin hain jaise khvab
raat ki bakhshishen to thiin mujh par
roz-e-raushan ne bhi dikhae khvab
jin ki taabir hi nahin koi
main ne dekhe hain akasr aise khvab
dil ka har zakhm ho gaya taaza
aa gae yaad bhule-bisre khvab
ishq ki ye alamaten to nahin
dil hai bechain aankh hai be-khvab
mashghala hai mira ye ai ‘abid’
dekhna nit-nae sunahre khvab
Leave a Reply