Sufi
hava aai na indhan aa raha hai
charaghon men naya-pan aa raha hai
jamal-e-yar tere jhankne se
kuen se paani raushan aa raha hai
main galiyon men nikalna chahta huun
mire raste men angan aa raha hai
mujhe shahtut ki khvahish bahut thi
magar mujh par to jaman aa raha hai
miyan main apni janib aa raha huun
khabar kar do ki dushman aa raha hai
mujhe khairat banti ja rahi hai
mire hathon men bartan aa raha hai
gale men haar aana chahiye tha
gale men tauq-e-gardan aa raha hai
Leave a Reply