Anwar Masood
jis tarah ki hain ye divaren ye dar jaisa bhi hai
sar chhupane ko mayassar to hai ghar jaisa bhi hai
us ko mujh se mujh ko us se nisbaten hain be-shumar
meri chahat ka hai mehvar ye nagar jaisa bhi hai
chal paḌa huun shauq-e-be-parva ko murshid maan kar
rasta pur-pech hai ya pur-ḳhatar jaisa bhi hai
sab gavara hai thakan saari dukhan saari chubhan
ek ḳhushbu ke liye hai ye safar jaisa bhi hai
vo to hai maḳhsus ik teri mohabbat ke liye
tera ‘anvar’ ba-hunar ya be-hunar jaisa bhi hai
Leave a Reply