Tark-E-Daryuza

ab na phailaunga main dast-e-saval

main ne dekha hai ki majbur hai tu

meri duniya se bahut duur hai tu

teri qismat men jahanbani hai

meri taqdir men hairani hai

bazm-e-hasti men sar-afraz hai tu

mere anjam ka aghaz hai tu

tu hai asuda-e-farsh-e-sanjab

khuld hai tere shabistan ka javab

masjid-e-shahr ki mehrab ka kham

teri taqdis ki khata hai qasam

main huun ik shaer-e-avara-mizaj

aur tire farq pe akhlaq ka taaj

main ne aalam se baghavat ki hai

tu ne har shai se mohabbat ki hai!

main ne mazhab pe bhi ilzam dhara

tu ne vahmon ko bhi iman samjha

gil kahan aur khas-o-khashak kahan

alam-e-pak kahan khaak kahan

ab na phailaunga main dast-e-saval

Leave a Comment