jis tarah chahiye kab kar-e-vafa hota hai
haq mohabbat ka kahan ham se ada hota hai
ham bahut chahte hain amn-o-mohabbat har su
vahi hota hai jo manzur-e-khuda hota hai
mushkilon men bhi buzurgon ka vazifa ye tha
achchhe kamon ka to achchha hi sila hota hai
fitratan saaz men avaz kahan hoti hai
ik zara chhediye phir dekhiye kya hota hai
koi majburi utha deti hai divar-e-ana
apni marzi se bhala kaun bura hota hai
har vo insan ki jo davat-e-haq deta ho
na sahi qibla magar qibla-numa hota hai
Leave a Reply