gham-e-hayat bhi aghosh-e-husn-e-yar men hai
ye vo khizan hai jo duubi hui bahar men hai
asar sharab ka ahd-e-vafa-e-yar men hai
qadam qadam pe jo laghzish si e’tibar men hai
shaguftagi-e-dil-e-karvan ko kya samjhe
vo ik nigah jo uljhi hui bahar men hai
shikast-e-hausla-e-zabt-e-gham mujhe manzur
chale bhi aao ki dil kab se intizar men hai
ye iztirab ka aalam ye shauq-e-be-payan
‘shakil’ aaj bila-shuba ku-e-yar men hai
Leave a Reply