Saulat Zaidi
jis raat bhi charagh-e-shab-e-gham raha huun main
us raat raushni men bahut kam raha huun main
ghairon se dosti ko baḌhaya hai apna haath
ḳhud kitna apne aap se barham raha huun main
ḳhushbu dil-o-dimagh men aur vo bhi is qadar
phulon ka ham-nashin to bahut kam raha huun main
ye shahr-e-jism-o-jan miri pahchan ban gaya
is shahar men agarche bahut kam raha huun main
kuchh phuul haath par mire kuchh ḳhaar jism men
‘saulat’ ye kis bahar ka mausam raha huun main
Leave a Reply