poet

Hai Jo Rang Uski Jalwa-Gahon Mein

hai jo rang us ki jalva-gahon men

dekhta huun vahi nigahon men

sair ko aa gaya vo jan-e-jahan

pad gai jaan sair-gahon men

ab to mai-khanon se bhi kuchh badh kar

jaam chalte hain khanqahon men

mera daava hai ishq men sachcha

dida-e-tar hain do gavahon men

bad-gumani na kar ‘sharaf’ pe ki vo

dil se hai tere khair-khvahon men

More Poems

Leave a Comment