Agarche Roz Mera Sabr Aazmata Hai

agarche roz mirā sabr āzmātā hai

magar ye dariyā mujhe tairnā sikhātā hai

ye kyā ghuTan hai mohabbat kī pahre-dārī meñ

vo kāġhazoñ pe khulī khiḌkiyāñ banātā hai

use patā hai kahāñ haath thāmnā hai mirā

use patā hai kahāñ peḌ suukh jaatā hai

maiñ us kī nazroñ kā kuchh is liye bhī huuñ qaa.il

vo jis ko chāhe use dekhnā sikhātā hai

Leave a Comment