Jis Ko Tai Kar Na Sake Aadmi Sahra Hai Wahi

jis ko tai kar na sake aadmī sahrā hai vahī

aur āḳhir mire raste meñ bhī aayā hai vahī

ye alag baat ki ham raat ko hī dekh sakeñ

varna din ko bhī sitāroñ kā tamāshā hai vahī

apne mausam meñ pasand aayā hai koī chehrā

varna mausam to badalte rahe chehrā hai vahī

ek lamhe meñ zamāna huā taḳhlīq ‘malāl’

vahī lamha hai yahāñ aur zamāna hai vahī

Leave a Comment