Najeeb Ahmad
vahi raTe hue jumle ugal raha huun abhi
giraft-e-harf se bahar nikal raha huun abhi
vo ek tu ki hava ki tarah guzar bhi chuka
vo ek main ki faqat haath mal raha huun abhi
miri numud kisi jism ki talash men hai
main raushni huun andheron men chal raha huun abhi
kushada barg rahen hijr ke ghane saa.e
tire visal ke sahra men jal raha huun abhi
sahar ke rang miri raakh se janam lenge
‘najib’ raat ki ankhon men jal raha huun abhi
Leave a Reply