ashiq ki bhi katti hain kya ḳhuub tarah raten
do-char ghadi rona do-char ghadi baten
qurban huun mujhe jis dam yaad aati hain vo baten
kya din vo mubarak the kya ḳhuub thiin vo raten
auron se chhute dilbar dil-dar hove mera
bar-haq hain agar pairav kuchh tum men karamaten
kal lad gaiin kuche men ankhon se miri ankhiyan
kuchh zor hi aapas men do do huiin samghaten
kashmir si jagah men na-shukr na rah zahid
jannat men tu ai giidi maare hai ye kyuun laten
is ishq ke kuche men zahid tu sambhal chalna
kuchh pesh na javengi yaan teri munajaten
us roz miyan mil kar nazron ko churate the
tujh yaad men hi sajan karte hain madaraten
‘sauda’ ko agar puchho ahval hai ye us ka
do-char ghadi rona do-char ghadi baten