Poet
jis ko jaana tha kal tak ḳhuda ki tarah
aaj milta hai vo ashna ki tarah
meri hasti bhi ho ja.egi javedan
dast-e-qatil uTha hai dua ki tarah
us ke hathon pe hain mere ḳhuun ke nishan
jo mahakte hain rang-e-hina ki tarah
justuju hai mujhe aaj us shaḳhs ki
jo vafa bhi kare bevafa ki tarah
rah-e-manzil men baiTho na yuun haar kar
raunde jaoge tum naqsh-e-pa ki tarah
karvan karvan pahunche manzil pe ham
rah badalti rahi rahnuma ki tarah
Leave a Reply