Poet
hai shart qimat-e-hunar bhi ab to rabt-e-khas par
milega sang-e-dad bhi hava ke rukh ko dekh kar
kabhi hava ka ajr hai kabhi ruton ka hai hunar
kahan hua hai aaj tak parind koi mo’tabar
kanar-e-ab khun-chakan jabin to khaak ho chuki
ye kis ka aks paniyon men phir utha raha hai sar
hazar men asiir huun tire tilism-e-nutq ki
ye qufl-e-dil kahan khula kalid-e-harf se magar
hava ka rizq ho chuke ujale meri raah ke
ki ab ke phir siyahiyon ki samt uth gai nazar
vo jaega to is ke baad dukh hi ghar men aaega
na jaane kis ummid par saje hue hain bam-o-dar
Leave a Reply