jis ke iman par but-e-kafar hanse
allah allah vo hanse kyunkar hanse
husn-e-mah-o-mahvash sehr-afrin
haa.e jadugar pe jadugar hanse
qulqul-e-mina dikha.e jab asar
main hansun saaqi hanse saghar hanse
kyunkar aati hai hansi kis ko ḳhabar
un pe main hairan huun jo mujh par hanse
ik pate ki baat kahta huun suno
koi hans kar ro.e ya ro kar hanse
ik pata ki baat kahta huun suno
koi hans kar ro.e yaaro kar hanse
phabtiyan kahne pe main aa.uun agar
va.iz-e-zishan sar-e-mimbar hanse
kya ḳhabar ‘manzur’ hai kis dhyan men
vo to vo zahid farishton par hanse
Leave a Reply