jis ke husn ki shohrat mujh pe baar guzri thi
aaj phir vahi laḌki raah roke Thahri thi
vahm ki nigahon ne kitne hadse dekhe
ḳhatt-e-pesh-e-manzar par ek kaali billi thi
saanp sungh jaata tha jo use baratta tha
dekhne men vo aurat shahd ki kaTori thi
ruuh men ubharti thi tere qurb ki ḳhvahish
main ne apne honTon pe teri pyaas dekhi thi
hiddaton ki barish men sukhti thiin shiryanen
chhanv ki talab mere sehn-e-dil men ugti thi
Leave a Reply