Neelma Naheed Durrani
jis ghaḌi un se baat hoti hai
raqs men ka.enat hoti hai
un ke aane se din nikalta hai
un ke jaane se raat hoti hai
lafz yuun phuul ban ke jhaḌte hain
goya har su barat hoti hai
un se milne ko mo.ajiza kahiye
husn ki ye zakat hoti hai
rog aisa laga hai ulfat ka
is se kaise najat hoti hai
zalimon se vo Dar nahin sakta
jis ke dil men furat hoti hai
Leave a Reply