jin khvahishon ko dekhti rahti thi khvab men
ab likh rahi huun un ko haqiqat ke baab men
ik jhiil ke kinare parindon ke darmiyan
suraj ko hote dekha tha tahlil aab men
khvabon par ikhtiyar na yadon pe zor hai
kab zindagi guzari hai apne hisab men
ik haath us ka jaal pe patvar ek men
aur dubta vajud mira sail-e-ab men
purvai chal ke aur bhi vahshat badha gai
halki si aa gai thi kami iztirab men
Leave a Reply