siraj-aurangabadi

Is Lab Kun Kab Pasand Hain Rasmi Katoriyan

is lab kuun kab pasand hain rasmi katoriyan

laala ke phuul ki hain jise qahva khoriyan

dam-o-qafas na chahiye dil ke shikar kuun

karti hain band aankh ke Doron ki Doriyan

hai bas ki daur-e-saghar-e-chashm-e-pari-rukhan

gir gai hain dil ke taaq sen nargis ki ghoriyan

hanste ho kyuun jo tum ne mira dil nahin liye

maalum huiin tumhari nigahon ki choriyan

ab gham ki raat sair-e-charaghan hai ai ‘siraj’

ye ashk garm tel hai ankhen sakoriyan

More Poems

Leave a Comment