Sabir Zafar
jidhar ho zindagi mushkil udhar nahin aate
ajal se pahle mire chara-gar nahin aate
bana hua hai mira shahr qatl-gah koi
palaT ke maaon ke laḳht-e-jigar nahin aate
uTha.e apnon ki lashen jo tum ho nauha-kunan
mire shahid tumhen kyuun nazar nahin aate
na intizar karo in ka ai aza-daro
shahid jaate hain jannat ko ghar nahin aate
main nauhe kab nahin likhta huun raftagan ke ‘zafar’
kab ashk misl-e-huruf-e-hunar nahin aate
Leave a Reply