Rafi Raza
zamin ka bojh aur us par ye asman ka bojh
utaar phenk duun kandhon se do-jahan ka bojh
paḌa hua huun main sajde men kah nahin paata
vo baat jis se ki halka ho kuchh zaban ka bojh
phir is ke baad uTha.unga apne aap ko main
uTha raha huun abhi apne ḳhandan ka bojh
dabi thi aankh kabhi jis makan-e-hairat se
ab us makan se ziyada hai la-makan ka bojh
agar dimagh sitara hai TuuT ja.ega
chamak chamak ke uThata hai asman ka bojh
to jhurriyon ne likha aur kya uThaoge
uThaya jaata nahin tum se jism o jaan ka bojh
palaT ke aa.i jo ghaflat ke us kurre se nigah
to silvaTon men paḌa tha miri thakan ka bojh
jo umr biit ga.i us ko bhuul ja.un ‘raza’
pur-ḳhayal se jhaTkun ga.i uḌaan ka bojh
Leave a Reply