Poet
tum jante ho kis liye vo mujh se gaya laḌ
ai hamdam-e-man us ke kahin aur lagi laḌ
us ne shajar-e-dosti ab dil se ukhaḌa
kahne se raqibon ke hai fitne ki bandhi jaḌ
us but ko kahan pahunchen but aazar ke tarashe
haath apne se tayyar kare jis ko ḳhuda ghaḌ
dil-doz nigah yaar ki hoti hai muqabil
barchhi ki ani si mire siine men ga.i gaḌ
ḳhajlat se tu phir samne ankhen na karega
ai abr mire girya ki jis vaqt lagi jhaḌ
ḳhat ka ye javab aaya ki qasid gaya ji se
sar ek taraf loTe hai aur ek taraf dhaḌ
rindon ne evaz visme ke nuura jo lagaya
paaki ki tarah shaiḳh ki daḌhi bhi ga.i jhaḌ
tirchhi nigah us ki ki hua koi na aaḌe
siine ko sipar kar ke rahe ek hamin aḌ
sahra-e-junun se ‘muhib’ us zulf ki zanjir
phir pech men le aa.i mujhe paanv mire paḌ
Leave a Reply