Poet
jidhar dekh tumhari bazm men aghyar baiThe hain
idhar das panch baiThe hain udhar do chaar baiThe hain
inhin dumbala-dar ankhon ne mujh ko maar rakkha hai
inhin chhuriyon ke mere dil pe gahre vaar baiThe hain
unhin ki maut hai jin ko tumhare vasl ki dahan hai
vahi sukh niind sote hain jo himmat haar baiThe hain
tumhen kya ho gaya hai baam par tum kyuun nahin aate
‘nasim’-e-muztarib kab se tah-divar baiThe hain
Leave a Reply