vo kahan jalva-e-jan-bakhsh butan-e-dehli
kyuun ki jannat pe kiya jaane guman-e-dehli
in ka be-vajh nahin tuut ke hona barbad
dhunde hai apne makinon ko makan-e-dehli
jis ke jhonke se saba tabla-e-attar bane
hai vo bad-e-sahar-e-itr-fishan-e-dehli
mehr zar khaak ko karta hai ye sach hai lekin
is se kuchh badh ke hain sahab-nazran-e-dehli
aina-saz sikandar hai tu jam jam-farosh
vusat-abad hai kis darja jahan-e-dehli
kar ke barbad use kis ko basaega falak
kya koi aur bhi hai shahar basan-e-dehli
is liye khuld men jaane ka har ik talib hai
ki kuchh ik duur se padta hai guman-e-dehli
vo sitam dekh chuke the ki rahe asuda
fitna-o-hashr men afat-zadgan-e-dehli
samjhe hain su-e-adab jannat-e-sani kahna
vo kuchh ashkhas jo hain martaba-dan-e-dehli
saili-e-panja-e-jallad-e-sitam se hai hai
nazr-e-be-dad hue muntakhaban-e-dehli
ya-khuda hazrat-e-ghalib ko salamat rakhna
ab isi naam se baaqi hai nishan-e-dehli
karbat-e-ghurbat-o-tanhai-o-shab-ha-e-daraz
aur ‘majruh’-e-dil-afgar bayan-e-dehli
Leave a Reply