ji DhunDhta hai ghar koi donon jahan se duur
is aap ki zamin se alag asman se duur
shayad main dar-ḳhur nigah-e-garm bhi nahin
bijli taḌap rahi hai mire ashiyan se duur
ankhen chura ke aap ne afsana kar diya
jo haal tha zaban se qarib aur bayan se duur
ta-arz-e-shauq men na rahe bandagi ki laag
ik sajda chahta huun tire astan se duur
hai man.a rah-e-ishq men dair-o-haram ka hosh
ya.ani kahan se paas hai manzil kahan se duur
Leave a Reply