dil shahr-e-tahayyur hai ki vo mamlikat-ara
kya saltanat-e-balḳh-o-samarqand-o-buḳhara
mub.ham hai tiri chashm-e-karam dekh to yuun dekh
jis tarah lipaT jaa.e sitare se sitara
ik chand hai avara-o-betab o falak-tab
ik chand hai asudgi-e-hijr ka maara
kuchh darḳhur-e-jan hai to yahi kunj-e-mulaqat
ye alam-e-ḳhaki na hamara na tumhara
zanjir-e-giran-bar hai ye ishrat-e-sahil
bahta hai to rukta hi nahin vaqt ka dhara
juz hasrat-e-be-nam nahin gardish-e-ḳhun ab
chandi jo hue baal mila zabt ka yaara
Leave a Reply