Jhuki Nigah Mein Hai Dhab Pursish-E-Nihani Ka

jhuki nigah men hai Dhab pursish-e-nihani ka

haya men zor diya rang mehrbani ka

jiye hain garm nafas soz se ki bahr-e-charagh

kare hai shola hi kaam ab-e-zindagani ka

tabassum-e-lab-e-gunche ko dekh rota huun

ki thiik rang hai us khanda-e-nihani ka

kahan se zor-e-dil-o-sina-o-jigar la.un

tumhen to khel laga haath tegh-rani ka

ilahi jaib ki daman ki astin dho.un

mizha ne siikh liya shaghl khun-fishani ka

nahin bacha maraz-e-ishq se koi ‘mamnun’

hamen daregh bahut hai tiri javani ka

Leave a Comment