Manzar Shahab
hui muddat ki ghane peḌ se jhanka suraj
mere angan se ḳhafa ab bhi hai banka suraj
chand taron pe nigahen thiin ki Tik jaati thiin
surḳh anchal men haya-dar ne Tanka suraj
jab kabhi chand miri chhat pe utar aaya hai
parda-e-shab ne baḌe pyaar se Dhanka suraj
so.e jangal ke agar chand shajar jaag ga.e
ye hua hai ki havaon ne hai hanka suraj
vaqt men qaid kiya nuur likha dev kaha
har zamane ne ka.i Dhang se aanka suraj
taaz men vus.at-e-aflak men bikhre na kahin
barha jauhar-e-zarrat ko phanka suraj
Leave a Reply