Jazba-E-Ishq Ajab Sair Dikhata Hai Hamein

jazba-e-ishq ajab sair dikhata hai hamen

apni janib koi khinche liye jaata hai hamen

bazm men takte hain munh us ka khade aur vo shokh

na uthata hai kisi ko na bithata hai hamen

kya sitam hai ki tariq apna rah-e-ishq men aah

koi jis ko nahin bhata vo hi bhata hai hamen

is taraqqi men tanazzul men hai ki juun qamat-e-tifl

asman umr ghtane ko badhata hai hamen

band kar baithe hain ab aankh jo ham to allah

nazar aata jo nahin so nazar aata hai hamen

thanDe hone ka bhi ta samjhen maza itne liye

charkh manind-e-charagh aah jalata hai hamen

ai khusha ye ki vo hansne ke liye rota hai

apni khursandi-e-khatir ko kudhata hai hamen

mil ke ham us se jo tuk soven to dukh dene ko

bakht-e-bad khvab judai ka dikhata hai hamen

ham hain vo murgh-e-giraftar ki apne par se

varna jis ko ki hove vo chhudata hai hamen

la ke us shokh-e-sitamgar ke do-rangi ke payam

na hansata hai koi ab na rulata hai hamen

san se ja baithte hain us ke tasavvur men ham aah

bazm-e-khuban men koi paas bulata hai hamen

mahv-e-nazzara hon kya ham ki ba-qaul-e-‘jurat’

apni janib koi khinche liye jaata hai hamen

Leave a Comment