Fuzail Jafri
har samt lahu-rang ghaTa chha.i si kyuun hai
duniya miri ankhon men simaT aa.i si kyuun hai
kya misl-e-charagh-e-shab-e-aḳhir hai javani
shiryanon men ik taaza tavana.i si kyuun hai
dar aa.i hai kyuun kamre men dariyaon ki ḳhushbu
TuuTi hui divaron pe lalcha.i si kyuun hai
main aur miri zaat agar ek hi shai hain
phir barson se donon men saf-ara.i si kyuun hai
Leave a Reply