shiraz ki mai marv ke yaqut sambhale
main koh-e-damavand se aa pahuncha himale
hove to rahe shisha-o-ahan ki hukumat
kansi ki miri tegh hai mitti ke pyale
har shakhs ba-andaz-e-digar vasil-e-shak tha
utha main tiri bazm se iqan sambhale
ab ishq-e-navardi hi thikane se lagae
shoala na jalae mujhe girdab uchhale
hone ki khabar bhi na tira hijr-zada de
bhar leve kabhi aah kabhi shama jala le
bose ka talazzuz ho kabhi tauf ki rahat
arman mira ye dil-e-kafir bhi nikale
ib.ham ke reshon se bana bagh-e-takhayyul
ho jaae kabhi chashm-e-tahayyur ke havale
Leave a Reply