jazba-e-hamsari har ruḳh se ayaan hota hai
teri mahfil men jahan mera bayan hota hai
aa.ina hota hai jab mere muqabil ai dost
teri surat tira ruḳh us se ayaan hota hai
ik hasin phuul ka paikar hai suhani shab hai
phir mire siine men ik dard javan hota hai
dekhna janib-e-gul-zar zara ahl-e-qafas
baat kya hai ye udhar kaisa dhuan hota hai
main tira aa.ina huun tu hai mira aks-e-hasin
zarre-zarre se tira jalva ayaan hota hai
mere dil men hai vahin maskan-e-yad-e-gham-dost
Tisen uThti hain jahan dard jahan hota hai
rah-e-ulfat ka tasavvur bhi kabhi ai ‘raje’
ahl-e-danish ke liye bar-e-garan hota hai
Leave a Reply