ye kya bata.en ki kis rahguzar ki gard hue
ham aise log ḳhud apne safar ki gard hue
najat yuun bhi bikharne ke karb se na mili
hue jo aa.ina sab ki nazar ki gard hue
ye kin dukhon ne cham-o-ḳham tamam chhin liya
shua-e-mahr se ham bhi sharar ki gard hue
sab apne apne ufuq par chamak ke thoḌi der
mujhe to daman-e-sham-o-sahar ki gard hue
pukaro kah ke hamen chhanv ji na bahlega
bache jo dhuup se pa-e-shajar ki gard hue
hamen bhi bolna aata hai phir bhi hain ḳhamosh
ki ham tire suḳhan-e-muḳhtasar ki gard hue
dhula sa chehra bhi kuchh maand paḌ gaya aḳhir
hue na ashk tiri chashm-e-tar ki gard hue
sharir-o-tund hava thi ki rau ma.ani ki
tamam lafz lab-e-mo’tabar ki gard hue
ye raah kitni pur-ashob hai ‘faza’ na kaho
qalam ki raah chale ham hunar ki gard hue
Leave a Reply