Poet
jaur-e-paiham ki intiha bhi hai
ek ke ba.ad dusra bhi hai
ghair ne bazm-e-yar men ham se
kuchh kaha hai to kuchh suna bhi hai
shauq se dil mira karo pamal
yahi kam-baḳht ki saza bhi hai
un ki tirchhi nazar se Darta huun
ye ada hi nahin qaza bhi hai
kahte hain vo jo puchhta huun mizaj
aap se koi bolta bhi hai
nahin vaqif ‘nasim’ se kya ḳhuub
koi tum par miTa hua bhi hai
Leave a Reply